Укучылар арасында иң популяр Бердәм дәүләт имтиханы билгеле
Җәмгыять белеме БДИ катнашучылары арасында иң популяр фән булып кала.
Бу хакта Россия вице-премьеры Дмитрий Чернышенко Мәскәүдә уза торган җәмгыять белеме укытучылары арасында V Бөтенроссия һөнәри осталык конкурсы финалында белдерде, дип хәбәр итә «РИА Новости».
Чернышенко сүзләренчә, Владимир Путин яшь буынны әзерләүнең хокукый нигезе буларак җәмгыять белеменең әһәмиятен күп тапкырлар ассызыклаган. Вице-премьер билгеләп үткәнчә, узган ел БДИ тапшыру өчен нәкъ менә шушы фәнне 300 меңнән артык укучы сайлаган.
Шулай ук Дмитрий Чернышенко хәбәр иткәнчә, бүген Россия мәктәпләрендә 65 меңгә якын җәмгыять белеме укытучысы эшли.
Чыганак: Татар информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев