Басу-кырларда янгын куркынычсызлыгы – иң мөһиме

Янгын куркынычлыгы басу-кырларда яну материалларының зур күләмдә булуы һәм янгын булган очракта тиз арада таралу мөмкинлеге булу белән характерлана.

Икмәк культуралары иң зур куркынычны өлгергән вакытта һәм урып-җыю эшләре вакытында тудыралар.

Кыр эшләре башланганчы җи­тәк­челеккә урып-җыю эшләрендә катнашкан  затларга янгынга каршы инструктаж үткәрү зарури. Исерткеч эчемлекләр кулланган затларны урып-җыю эшләренә катнаштырмас­ка, тәмәке тартуны тыярга, урып-җыю агрегатларында һәм автомобильләрдә ,башка авыл хуҗалыгы  машиналарында беренче янгын сүндерү җиһазларын булдырырга (барлык типтагы комбайн һәм тракторлар­да – 2 янгын сүндергеч, 2 очлы көрәк, себерке, сулы бидон) һәм очкын сүндергечләрнең төзек халәтен тәэмин итәргә киңәш ителә.
Мәйданы 25 гектардан артыграк булган икмәк кырларында урып-җыю эшләре барганда янгын чыккан очракта, җирне сукалау өчен сука таккан трактор, шулай ук янгын сүндерү яисә янгын сүндерүгә җайлаштырылган техника даими әзерлектә булырга тиеш. Башак тамырларын, урып-җыю калдыкларын яндыру, учак кабызу тыела. Бөртекле культураларны урып-җыю һәм азык әзерләү вакытында тыела:
– капоты булмаган яисә ачык капотлы трактор, үзйөрешле шасси һәм автомобильләрне куллану;
– трактор һәм автомобильләрнең радиаторларындагы тузанны яндыру;
–  автомобильләрне кыр шартларында янгын сүндергеч җайланмалар белән җиһазландырылмаган, төнге вакытларда яктыртылмаган махсус мәйданчыклардан тыш ягулык материаллары белән заправка ясау;
- теләсә кайсы янгын чыганакларын ың басуларга эләгүенә юл кую;
Янгын куркынычсызлыгы та­ләп­ләрен бозучыларны админстратив җа­ваплылыкка тарту каралган.
Кыр эшләре вакытында игьтибарлы булыгыз. Янгын чыккан очракта кичекмәстән янгыннан саклау бүлегенә «01», «101», «112» телефоны аша хәбәр итегез. 2-20-01- Әтнә янгыннан саклау бүлеге.
3-23-82 Яңа Шашы авылының янгыннан саклау посты.
Адель Шакирҗанов,  Арча һәм Әтнә районнары буенча янгын күзәтчелеге бүлегенең өлкән дәүләт инспекторы