Җинаять җавап­лы­лыгы да каралган

Янгынга каршы режим кагыйдәләре ниге­зендә, хуҗа кеше торак пункт­лар­да урнашкан җир кишәрлекләрен (шулай ук җирдән файдалану­чылар, җир хуҗалары һәм җир кишәрлекләрен арен­далаучылар), бакчачылык яки яшелчәчелек территорияләрен даими рәвештә чүп-чардан чистартып һәм үләнне чабып торырга тиешләр. 
Торак пунктлар тер­ри­торияләрендә табигый янгыннарны булдырмау максатыннан аның тирәсендә кимендә 10 метр киңлектәге янгынга каршы минераллаштырылган полосалар булдырырга киңәш ителә. Урманнар һәм урман посадкалары тирәсендә шулай ук минераллаштырылган полосаларны яңартырга кирәк. Су белән тәэмин итү чыганакларын да тикшерергә һәм тәртипкә китерү зарур.
Оешма җитәкчеләре сак­лау объектларын һәм алар янәшәсендәге тер­риторияләрне, шул исәптән саклау объектлары арасында, ягулык калдыкларыннан, чүп-чардан, таралардан һәм коры-сарыдан чистартуны тәэмин итәргә тиеш.
Исегезгә төшерәбез, тиздән Республикада янгынга каршы махсус режим гамәлгә керәчәк. Янгынга каршы махсус режим гамәлдә булган чорда коры үлән һәм чүп-чар яндыру тыела. Урманнар яну куркынычы булган торак пунктлар территорияләрендә, шулай ук урман-парк зоналарында һәм урман массивлары белән чиктәш ачык территорияләрдә ачык утта (учак, мангал) ризык әзерләү дә тыела.
Янгынга каршы режим таләпләрен бозган өчен административ һәм җинаять җаваплылыгы каралган.
Арча һәм Әтнә районнары буенча янгын күзәтчелеге бүлеге