Көзге каникуллар да килеп җитте
Тиздән мәктәпләрдә көзге каникуллар башлана. Шул уңайдан, әти-әниләрне бәхетсезлек очракларыннан кисәтү максатыннан берничә кагыйдәне исләренә төшереп үтәсе килә.
Иң беренче чиратта, балаларыгызның буш вакытларында нәрсә белән шөгыльләнүен контрольдә тотыгыз. Үзегезнең йортыгызда янгынга каршы торышны һәрдаим күзәтеп торыгыз. Ут хәвеф-хәтәреннән саклану өчен йортта (фатирда) янгын чыкканын белдерүче приборлар урнаштырырга һәм утсүндергечләр сатып алырга, шулай ук электрүткәргечләрне куркынычсыз халәткә китерергә киңәш ителә.
Балалар белән һәрдаим аңлату әңгәмәләре үткәрегез, гадәттән тыш хәлләрдә үз-үзеңне тоту кагыйдәләрен кабат исләренә төшерегез.
Өйдә күзгә күренеп торган урыннарда ашыгыч ярдәм хезмәтләре телефон номерларын урнаштырыгыз. Әлбәттә инде, гадәттән тыш хәл килеп чыккан очракта балаларыгыз әлеге номерлардан шалтырата белергә дә тиешләр.
Балаларга ут белән шаяруның никадәр куркыныч булуы турында ешрак исләренә төшерегез. Балаларга янгын вакытында өйдә (фатирда) качмаска, мөмкин кадәр тизрәк янган бинадан чыгарга кирәк икәнлеген анлатыгыз. Кече яшьтәге балаларны өйдә ялгыз кадырмагыз. Балаларга ягып җылыту мичләрен, газ плитәләрен һәм башка ачык ут чыганакларын карауны беркайчан да йөкләмәгез.
Исегездә тотыгыз, ут хаталар кичерми. Гадәттән тыш хәл булган очракта «01», «101», «112» номеры буенча шалтыратыгыз. Үзегезне һәм туганнарыгызның тормышын саклагыз!
Адель Шакирҗанов, Арча һәм Әтнә районнары буенча янгын күзәтчелеге бүлеге инспекторы
Следите за самым важным и интересным в Telegram-каналеТатмедиа
Нет комментариев