Паспортыңны ерак тот

2026 елда паспортын вакытында алмаштырмаган өчен  бары бер кеше административ җаваплылыкка тартылды. 
Бу факт, Россия граж­даннарының паспорт алмаштыру тәртибен тайпылышсыз үтәвенә карата игътибарның югары булуын күрсәтә. Законнарны бозучыларны ачыклау һәм җаваплылыкка тарту сис­темасы даими эшли, шуңа күрә вакытында документларны яңарту бик мөһим.
Паспорт югалту очраклары да аз түгел: дүрт кеше бу сәбәп аркасында административ җаваплылыкка тартылган. Паспортны югалту, иң элек, аның белән идарә итү мөмкинлеген югалту дигән сүз. Моннан тыш, югалган документларны законсыз куллану мөмкинлеге туа, бу исә төрле хокук бозуларга китерергә мөмкин. Шуңа күрә, паспортны саклауга аеруча зур игътибар бирергә кирәк.
Шунысын да билгеләп үтәргә кирәк, югалган пас­портны яңартмыйча яшәү яки яңа паспорт алмау да закон бозу булып санала. Чөнки паспорт – ул һәркемнең шәхесен раслаучы төп документ. Аны югалтканнан соң, вакытында яңасын алу – гражданның төп хокукы һәм бурычы.
Бер кешегә Россия терри­ториясендә пропискасыз яшәгән өчен протокол төзелгән.   Россия Федерациясендә яшәү өчен, гражданнарның тиешле теркәве булырга тиеш. Пропискасыз булу – ул законны бозу, һәм бу очракта да административ чаралар кулланыла.
Бу саннар, гомумән алганда, гражданлык хокукларын һәм бурычларын үтәүнең мөһимлеген ассызыклый. Пас­портны саклау, аны югалткан очракта яңарттыру, шулай ук яшәү урынын вакытында теркәү – бу барлык гражданнар өчен дә актуаль мәсьәләләр. Законны үтәп яшәү, тәртипне саклау – һәркемнең уртак максаты булырга тиеш.
Россия Федерациясе территориясендә яшәүче Россиянең барлык 14 яшькә җиткән гражданнары да пас­портка ия булырга тиеш.
Граждан паспортының гамәлдә булу вакыты:
14 яшьтән алып 20 яшькә кадәр;  20 яшьтән алып 45 яшькә кадәр; 45 яшьтән соң вакыты чикләнми.