Әтнәдә тагын ике машина бәрелеште

Әле юл йөрү хәрәкәте кагыйдәләрен үтәмәүчеләр, юлларның бозлавык икәнлеген истә тотмаучылар бар. Кичә Олы Әтнә авылының бассейн урнашкан чатында ике машина бәрелеште.

- Аллаһка шөкер, тән җәрәхәтләре алган кешеләр булмады. Машиналарга азрак зыян килде.  Кышкы һава торышын, бигрәктә быелгы кышның үзенчәлеген, карлы-яңгырларны, бозлавыкны, кар юклыкны истә тотып, авыл эчләрендә тиешле тизлекне саклап йөрегез. Җәяүлеләр, киемнәрегезгә, сумкаларга булса да яктырткыч  элементлар куярга онытмагыз.  Бер-берегезбә игътибарлы һәм хөрмәтле булыйк, - дип кисәтә ЮХИДИнең Әтнә бүлекчәсе җитәкчесе Айнур Ямалиев. 

Фотоны юл хәрәкәте тәртибен саклаучы инспекторлардан алдык.