Җылыту приборларын кулланганда саклану зарур

Җылыту приборлары белән эш иткәндә куркынычсызлык чаралары турында истә тоту мөһим, шуңа күрә гади кагыйдәләрне белү дә янгыннан сакланып калырга мөмкинлек бирәчәк.
Электр приборларын кулланганда саклык чаралары:
– электр приборын эксплу­а­тацияләү буенча инструкция­не игътибар белән өйрәнегез, соңыннан анда бәян ителгән таләпләрне бозмагыз. Шуны истә тотарга ки­рәк, һәр при­борның эксплуатация вакыты бар, ул уртача 10 елны тәшкил итә;
– даими рәвештә электр үт­кәр­гечләрнең, розет­ка­ларның, щитларның һәм җы­­лыткычның штепсель вилкалары төзеклеген тикшерегез;
– җылыту приборының торышын күзәтегез: алар сафтан чыксалар, приборны вакытында ремонтларга һәм алыштырырга кирәк; 
– сафтан чыккан, кулдан эшләнгән электр җылыт­кычлар кулланмагыз;
– берьюлы берничә куәтле җиһаз­ларны бер электр чел­тәр­ләренә тоташтырып, зур йөкләнеш булдырмагыз;
– штекерның  розеткага тыгыз беркетелгәненә ина­ныгыз, югыйсә җылыту прибо­ры кызарга һәм янгын  сә­бәп­чесе булырга мөмкин;
– төнгә электр җылыт­кычны эшләтеп калдырмагыз;
– балаларга мондый җай­лан­­малар белән уйнарга рөхсәт итмәгез;
– электр җылыткычны тә­рәзә пәрдәсе яки мебельдән кур­кынычсыз арада урнаштырыгыз. Приборны идәнгә куярга, конвекторлар белән булган очракта – махсус подставкага беркетергә кирәк.
– даими рәвештә җылыт­кычны тузаннан чистартыгыз;
– электр җылыткыч астында ковер һәм башка каплау җиһазлары куймагыз.
– Чыбыгына авыр предметлар  элмәгез.

Янгын чыккан очракта «01» ,«101» яки «112» те­ле­фоннарына шалтыратыгыз.

Адель Шакирҗанов, Арча һәм Әтнә районнары буенча янгын күзәтчелеге бүлеге дәүләт инспекторы