Олы Әтнә үзәгендәге стенаны кайчан сүтәләр?

"Лавка Вали бая" стенасын сүтәргә ярамый, төзәтергә дә ярамый! Әлеге бина "Комитет РТ по охране объектов культурного наследия" дигән җирдә исәптә тора. 

Инстаграмда бу объектны сүтәргә өндәүчеләр күп. Әммә шунысы бар,  бу "стена", мәдәни мирас объекты ("Лавка Вали бая") булып тора. Һәм аның буенча безнең өстә берникадәр йөкләмәләр бар. Гади генә итеп әйткәндә, аны сүтәргә дә ярамый, төзәтергә дә ярамый! Бу эшләр белән махсус лицензияле оешма эшләргә тиеш! Бу бина "Комитет РТ по охране объектов культурного наследия"дә исәптә тора! Бу хәлдә торышына безнең дә йөрәк бик авырта! Берни эшләп булмый, тәртибе бар. Ә киләчәктә инстаграмда эксперт булып теләсә-нәрсә язганчы башта бераз уйларга кирәк. Олы Әтнә авыл җирлеге Башкарма комитеты җитәкчесе Азат Хәйретдиновтан әнә шундый аңлатма алдык.