Әтнәдә берәү телефон өчен штраф түләячәк

Телефоннан сөйләштеңме - штраф түлә

Сентябрьнең беренче атнасында ЮХИДИ хезмәткәрләре тарафыннан юлны дөрес җирдән чыкмаган өчен өч җәяүлегә протоколлар төзелгән. Тагын ике җәяүле киемнәрендә яктылык кайтаргыч элементлар булмау сәбапле җаваплылыкка тартылды. Өч машина йөртүче куркынычсызлык каешы такмаган өчен, икесе махсус креслодан башка балалар утыртып йөрткән өчен, ике машина йөртүче страховка полисы булмаган өчен, тагын икесе тонировкалы машинада йөргән өчен, җиде машина йөртүчегә номерлары пычрак булган өчен һәм документлар булмаган өч машина йөртүче административ җаваплылыкка тартылды. Бер вак юл һаләкәте теркәлгән.Руль артында телефоннан сөйләшеп барган өчен бер машина йөртүчегә протокол төзелгән. Мондый төр кагыйдә бозган өчен штрафның 1500 сум икәнен исегездән чыгармасагыз иде.