Арчада исерек ир арендага алган фатирында янгын чыгарган - видео

Арчаның Банк урамындагы күп фатирлы йортта янгын чыккан.

Шаһитлар әйтүенчә, хатыныннан аерылган бер ир бу фатирны арендага алып торган.

«Анда „белочка“ башланган. Фатир уртасында учак ягып җибәргән. Фатир эчендә берни дә диярлек булмаган, шуңа күрә бернәрсә дә янмаган да. Кухнясы белән балконы гына янган. Балконда торган тәгәрмәчләргә ут капкан, төтен шулардан чыккан», — дип сөйли вакыйганың шаһитлары.

Башка мәгълүматлар буенча, янгын тәмәке төпчегеннән чыккан - ир исерек килеш йоклап киткән булган.

Янгынны сүндергәннәр, тикшерү эшләре бара.

Чыганак: https://intertat.tatar/news/incident/02-07-2021/archada-iserek-ir-arendaga-algan-fatirynda-yangyn-chygargan-video-5828957