Олы Әтнә балалар бакчасында «Татарча китап атналыгы» узды

Китап - балаларга акыл эшчәнлеген һәм логик уйлау сәләтен үстерүче белем чыганагы. Олы Әтнә балалар бакчасының 1 кечкенәләр 1 төркемендә "Татарча китап атналыгы" узды. "Шул уңайдан балаларга татарча китапка кызыксыну уятып, рәсемле китаплар карадык һәм әкиятләр укыдык. Матур әдәбият һәм иллюстрацияләр аша балаларга гаделлек, намуслык, иптәшләренә карата игьтибарлык тәрбияләргә тырыштык. Балаларга китапны дөрес һәм сак кулланырга өйрәттек. Нәни балаларыбыз өчен бу атналык бик кызыклы булды", - дип әйтә тәрбияче апайлар.​