Әтнәнең 997 нче сайлау участогында ...

"Ашыт" спорт һәм мәдәният үзәгендә урнашкан 997 нче сайлау участогында әтнәләр үз вакытлары белән килеп, иртәдән тавыш бирәләр. Вакыты-вакыты белән хәйран кызу да булып алды монда. Чөнки авыл халкы берьюлы килгәнлектән, чират та барлыкка килде.

- Сайлау участогы ачылганнан бирле кеше өзелгәне юк. Сәгать 10.00 гә монда сайларга тиешле 1350 кешенең 240ы сайлады, сәгать 12.00гә -702, 14.30 сәгатьтә 1031 сайлаучы тавыш бирде. Моннан тыш махсус гариза белән килгән 4 кеше дә безнең сайлау участок комиссиясендә үз тавышларын бирделәр. Сайлауга килә алмаган 93 өлкән яшьтәге кешеләребез бар, аларны өйләренә барып сайлатырга чыгып киттеләр яңа... - диде 997 нче Әтнә участок сайлау комиссиясе рәисе Фирдәвес Сәмигуллина.