Әтнәленең алтын муенсасын урлаганнар

Район күңел ачу үзәкләренең берсендә егет кеше арттан килеп бер кызның муенындагы кыйммәтле кулон белән алтын муенсасын тартып алып кача. Кыз тән җәрәхәтләре ала. Егеткә карата "Талау" маддәсе буенча эш ачыла. "Бүгенге көндә әлеге эш буенча материаллар судка тапшырылды" , - дип хәбәр итә Эчке эшләр бүлегенең өлкән дознавателе Илшат Зиннәтуллин. "Соңгы вакытта мондый караклык очраклары ешайды. Кыйммәтле бизәнү әйберләрен тагып йөргән очракта сак булыгыз" , - дип кисәтә ул.