(Казан, 2 май, "Татар-информ"). 42 яшьлек Айван авылы кешесенең торак-коммуналь хезмәтләр өчен 22 мең сум бурычы җыелган. Шул сәбәпле пристав аның 2008 елгы 14нче моделле "Лада" автомобилен тартып алган. Бу хакта суд приставлары федераль хезмәтенең ТР буенча идарәсенең матбугат хезмәте хәбәр итә.
Җиңел автомобиль хуҗа ханымга җаваплы сакланышка калдырылган. Автога арест салынып, дүрт көн вакыт узганнан соң, гражданка суд приставлары бүлегенә килә һәм 10 мең сум бурычын түли. Калганын ул якын арада түләргә ышандыра.
Ел башыннан Татарстан суд приставларында торак-коммуналь хезмәтләр өчен бурычлы 42 мең кешенең эше булган. Бүгенге көнгә 9 мең очрак буенча эш ябылган, барлыгы 319,5 млн.сум күләмендә акча түләтелгән.
http://tatar-inform.tatar/news/2017/05/02/139855/
Нет комментариев