Ашыттагы балыкчылар, сак булыгыз! Ике балыкчы югалган...

Көн җылынса да, Ашыт өстендә балыкчылар кимеми. Һава температурасы кояшлы урында +13 градус тирәсе. Шөкер, әлегә ул-бу куркыныч юк. Шул ук вакытта бу көннәрдә Яшел Үзән районында коткаручылар ике балыкчыны эзлиләр...

8 апрельдә 33 һәм 34 яшьлек ике ир-ат балыкка дип чыгып киткән җирләреннән, кире өйләренә әйләнеп кайтмаганнар. Туганнары сүзләренә караганда, соңгы тапкыр алар элемтәгә кичке уннар тирәсендә чыккан. Шуннан бирле аларның телефоннары тотмый. Хәзерге вакытта балыкчыларны эзләү эшләре бара.

Безнең балыкчыларны да эзләргә калмасын, зинһар, сак булыгыз!