Безнекеләр – җиңүче!

Казанда шахмат сараенда 10 көн дәвамында шәхси беренчелек буенча республика бәйгесе узды. Безнең районнан дүрт шахматчы - Раил Шакиров, Ирек Сабиров, Марс Мингатин, Фердинат Бәйрәмов катнаштылар. Катнаштылар һәм җиңделәр. Чөнки авыл районнары арасында ике урын да безнеке: Марс Мингатин - беренче урында, Раил Шакиров - икенче урында. Чиратта - Татарстан беренчелеге, 20-23 ноябрь көннәрендә сигез кешелек команда тагын бәйгегә барырга тиеш. Узган елгы бәйгедә безнекеләр беренче урында иде.