Хөкүмәт җитәкчесе Дмитрий Медведев сәнәгать һәм сәүдә министрлыгына автомобильләргә экология өчен салым кертү мәсьәләсен карарга кушкан. Бу хакта "Газета.Ru" хәбәр итә.

"Транспорт салымын бүгенге кебек ат көченә карап кына түгел, ә беренче чиратта аны транспортның экологик классына карап билгеләү идеясе - яхшы фикер", - дип белдерде сәнәгать һәм сәүдә министры Денис Мантуров.

Ә бит закон чыгаручылар транспорт салымын автомобильнең экологик классына бәйләү уе белән күптән яналар. Моңа кадәр дә шундый тәкъдимнәр булгалады. Бу юлы, мөгаен, ул гамәлгә керер.