Бәйрәм чаралары уза

Олы Әтнә авылында 8 май көнне бәйрәм чарасы Габдулла Тукай исемендәге Әтнә дәүләт драма театры бинасында ветераннарга чәй, кайнар коймак белән башланып китә. Аннары спектакль күрсәтелә. Бирегә аларны автобуслар белән йөртәчәкләр. 9 май көнне бәйрәм чарасы иртәнге сәгать 9.00дә техникум янындагы обелиск каршында башлана. Тантаналы чыгыштан соң, ветераннарыбызны машинага утыртып, район үзәге буенча театр бинасына алып төшәчәкләр. Бу көнне район үзәгеннән «Үлемсез полк» колоннасы да уза. Акциягә актив катнашыйк.