Чисталыкмы яки штрафмы?

Республикабызда һәм шул исәптән безнең районда да чисталык икеайлыгы башлану турында хәбәр иткән идек. Ул 1 апрельдән 31 майга кадәр дәвам итә.
Икеайлыкның макса­ты - территория­ләр­­не кыштан калган чүп-чардан арындыру, ти­­­рә-якта­гыларның са­ни­­тар-эпидемиологик кур­­кы­нычсызлыгын тә­­э­­­мин итү, янгын кур­­кы­ныч­сыз­­лыгы ка­гый­дә­­ләрен тө­гәл үтәү. Кызганычка каршы, арабыз­да үз терри­ториясендә чисталыкны булдыруга бармак аша караучылар да байтак әле. Шуңа да авыл җирлекләрендә бу эш буенча актив эш бара - халыкка махсус күрсәтмәләр таратыла, чис­тарту эшенә салкын караучылар җа­ваплылык­ка тартыла. Авыл­ның чис­та­­лыгына ел­ның-елын­да зур игъти­бар бирелгән Олы Мәңгәр авыл җир­легендә дә икеайлыкка кагылышлы чаралар баш­ланып китте. Вазыйх Хисмәтуллин, авыл җирлеге башлыгы:
- Авыл активы әлеге эшкә тотынды инде. Ел­дагыча һәр хуҗалыкка кереп, йорт территория­сен чистарту буенча махсус исемлеккә куллар куйдыртабыз, янгын куркынычсызлыгына ка­гылышлы күрсәтмәләр та­ратабыз. Нә­тиҗәсен тик­шерү өчен бер көн бил­гелибез, шул көндә бө­тен урамнарның торы­шын тикшереп чыгабыз. Аңарчы һәркем үз территориясен җыештырып куярга тырыша. Ә инде чүпне бездә капчыкларга тутырып урамга чыгарып куялар. Җирләр кибеп, юллар җилләгәч, бу чүп­ләрне җыю өчен трактор йөри, төяп чүплеккә чыгарабыз. Таш, ком, төзелеш материалларын капка тө­бендә саклаучылар гари­за язып, белешмә алалар. Инде авыл җирлеге күрсәтмәләренә буйсынмаучы­лар булса, аларга закон нигезендә чаралар кү­рәчәкбез. Штрафлар саллы - шуны онытмасыннар иде.
Күәм авыл җирлеге баш­лыгы Реваль Гатаул­лин:
- Авылларда чүп-чарны капка төбенә чыгарсыннар, аларны җыеп алып китүне оештырабыз. Дөрес, Казак Үртәме буенча өстәмә хәбәр итәрбез, чөнки җир кипмичә авылга кереп булмый, - диде.
Авыл җирлегендәге юл­ларга килсәк, рәсми рәвештә бер генә урам да ябылмый. Башлык сүзләренә караганда, җирлектә авыр техника юк диярлек.
Комыргуҗа авыл җирлеге башлыгы Әнәс Хәкимов:
- Урамнар 15 апрель-15 май аралыгында ябылып тора, - дип белдерде. Шәхси хуҗалыклардан чүп­не монда һәр атна саен ял көнне җыю оештырыл­ган.
Түбән Бәрәскә авыл җирлеге җитәкчесе Аида Фатыйхова:
- Карар нигезендә бездә дә икеайлык игълан ителде. Авыл эчендәге юллар 1 апрельдән 1 майга кадәр ябылды. Ташулар башланганчы кон­дызлар бияп куйган су буйларындагы агач­лар чистартылды. 10 йортка бер агитатор билгеләнгән. Чүп айга 1-2 тапкыр «КамАЗ» белән полигонга түгелә. Халык айлык башлануы турында хәбәрдар.