Егетләребез исән-сау

Көн тудымы хәвеф-хәтәр көтеп кенә тора. Призыв­ник егетнең поезддан сикерүе хакында социаль челтәр шаулый. Ә без үзебезнекеләрне барлап алдык. "Аллага шөкер, безнең районнардан киткән егетләребез барысы да исән-сау. Алар хезмәт иткән частьлар командирлары белән сөйләшеп торам. Борчылмагыз. Әле күптән түгел генә Әтнә районының 7 егетен армиягә озаттык. 18 июнь көнне тагын 4 егет китәчәк. Күптән түгел киткәннәргә телефон белән элемтәгә керү өчен, сим карталар бирдек, алар әти-әни­ләре белән аралаша алалар..." - диде Арча һәм Әтнә районнары хәрби комиссары Алмаз Борһанов.