Өшкәтәдә таш җәяләр

Шушы көннәрдә Эшкәтә авылында урамга таш җәя башлыйлар. Бу хакта Түбән Бәрәскә авылы җирлегенең башкарма комитет җитәкчесе Сәет Әхмәдуллиннан да сораштык. "2011 елны ук 500 метр җиргә таш җәйгән идек. Быел тагын ярты километр чамасы җәярбез, мөгаен", - ди җитәкче. Авыл урамына таш җәю авыл халкы исәбенә башкарыла. Ташны узган елны ук урамга ташып куйганнар. Ком алып кайтырга күмәк хуҗалык булышкан. Бердәмлектә - көч, дигәннәренең ачык миисалы инде бу! Кемдер еламый, булдыра! Кемдер бармак суыра...