Ике ир - ике язмыш

Ике ир- ике язмыш

Авылда ике ир яши -

Чагыштырып хәйран калам!

Бу дөньяның кеме юк дип,

Сезгә дә әйтеп алам.

Сәламәтлек юк берсендә,

Тумыштан ук көчкә йөри.

Бер аякка аксый...үзе

Кулы белән акча көри.

Кимсенми дә, зарланмый да -

Хәрәкәттә, эштә, юлда.

Эчми тартмый, тормышының

Дилбегәсен тота кулда.

Икенчесе - өрлек кебек,

Озын буйлы, сау - сәламәт,

Ә тормышы - ташка үлчим,

Эшлим дими, эше дә юк.

Яшел елан аның дусты,

Кайтып ава, эшем кырып.

Хатын сөйри тормыш йөген,

Язмышына тик буйсынып.

Уртак эше, фикере юк,

Ир димәсәң- хәтере калыр.

Күпме яшәр түмгәк булып,

Акыл бәлки берәр керер.

Типсә тимер өзәрдәй ир,

Сау сәламәт аяк - куллар.

"Әти", - дияргә тилмереп,

Үсә аның ул һәм кызлар.

Ике ир- ат, ике язмыш.

Берсе төзи, берсе вата.

Авыру ир яшьнәп яши,

Сәламәт ир эшсез ята.