Иске Мәңгәрдән Шиһабетдиновлар гаиләсенә медаль тапшырылды

8 июль - Бөтенроссия гаилә, мәхәбәт һәм тугрылык көне. Шушы уңайдан 25 елдан артык матур гаилә булып яшәгән, тәртипле, тәрбияле балалар үстергән гаиләләр билгеләнеп уза. Махсус медальләр дә тапшырыла. Быел хөкүмәтебезнең олы бүләгенә Иске Мәңгәр авылыннан 65 елдан артык иңне - иңгә куеп яшәгән Шиһабетдиновлар гаиләсе лаек дип табылды. Юбилярларны район советы аппараты җитәкчесе Гөлнара Гәләүтдинова, ЗАГС бүлеге җитәкчесе Гөлфия Рәхимова, район ветераннар советы рәисе Мингазиз Зиннәтов котларга килде. "Мәңгәр" авыл җирлеге җитәкчесе Вазыйх Хисматуллин һәм авыл җирлеге ветераннар советы рәисе Хәлимә Закирова да изге теләкләрен теләп, бүләкләр тапшырды.