Куркуын җиңгән укучылар - "Әкият илендә"

"ТР Биектау муниципаль районы башкарма комитетының мәгариф бүлеге" муниципаль казна учреждениесе, ТР Язучылар берлеге язучы Рафис Корбан иҗатын өйрәнүгә багышланган зона күләмендә бәйге үткәрде. Анда районыбызның мәктәп укытучылары, укучылары катнашты һәм чыгыш ясады.

Бәрәскә мәктәбе укучылары Рафис Корбанның "Куркуын җиңгән куян" әсәрен сәхнәләштереп, "Әкият илендә" номинациясендә 2 урын алдылар, Диплом һәм истәлек бүләкләре белән бүләкләнделәр. Укытучылары, өйрәтүчеләре Зөлфия Хисмәтуллина, Надия Дәүләтшина, Фәрит Закиров. Котлыйбыз.