МИЛЛӘТ ӨЧЕН ТУГРЫ ХЕЗМӘТ

Конференция Тарихи-мәдәни мирас елына, Халыкара туган телләр кө­ненә, Сибгат Хәкимнең 100 еллыгына һәм Габдулла Тукай елын йомгаклауга багышланды. Биредә татарның әдә­бияты, тарихи-мәдәни мирасы буенча проблемалар хакында фикер алыштылар. Дәрәҗәсен күзаллар өчен, кунакларга, катнашучыларга күз салу да җитә. Исем-регалияләрен язып тормыйм, болай да билгеле шәхесләр, югыйсә, бер бит тулар - район башкар­ма комитеты җитәкчесе Габделнур Мәрдәнов, галим, язучы Әнвәр Хәйри, Ш.Мәрҗани исемендәге Тарих институтыннан Тәэминә Биктимерова, Марат Габетдинов, Фәрит Миңнуллин, Ләлә Мортазина, КФУдан Чулпан Харисова, Гөлфия Шәйхиева, Илгизәр Гайсин, ТР Фән академиясенең Г.Ибра­һимов исемендәге инс­ти­тутыннан Мар­сель Әх­мәтҗанов, Ра­мил Ис­­­ламов, Бөтен­дөнья та­­­тар конгрессын­нан Гөл­­наз Шәйхи, "Хал­кым ми­­­нем" тапшыруы ав­то­ры һәм алып баручы­сы Ләй­­сәнә Садретдино­ва, Бө­тенроссия татар гаи­ләсе фонды директо­ры Ми­ләүшә Гайфуллина, ТР җы­ен фондыннан Арс­лан Сад­риев, музей оеш­ты­руда башлап йөргән Гөлнур Вәлиева, Гөлсинә Мө­хәммәтҗанова... Чараны оештыруда мәгариф бүлеге, ММҮ җитәкчеләре Айрат Каю­мов, Гөлшат Закирова, бүлек белгечләре һәм мәктәп коллективы зур тырышлык куйган. 5 секциядә 50 укучы һәм 11 укытучының хезмәте бәяләнде. Монда Кукмара, Арча, Балтач, Биектау, Саба, Буа, Лаеш, Әлмәт, Әгерже, Ле­ниногорск, Мамадыш һәм Казанның Совет, Киров, Мәскәү, Яңа Савин районнары һәм шәһәр вәкилләре чыгыш ясады. Бу уңайдан башкарма комитет җитәкчесе: "Географияне киңәйтергә, конференцияне Рос­сия­күләм дәрәҗәдә үткәрер­гә ки­рәк", дигән фикер дә җит­керде. Секцияләрнең те­малары мавыктыргыч - укытучылар өчен "Милләт өчен тугры хез­мәт итәм", укучылар өчен "Сибгат Хәким - үзе бер тау, шигъриятнең зур тавы", "Төбәктәге му­зейлар - тарихыбыз ча­гылышы", "Фольклор һәм халык педагогикасы сек­циясе", "Туган як геогра­фиясе, экологиясе" буенча чыгыш ясаучылар, югарыда телгә алган мәр­тәбәле жюри алдында җавап тоттылар.