“НӘТИҖӘ САННАРДА ЧАГЫЛА”

- Бәйрәм­не нинди рухта каршы аласыз?

- Куанып, чөнки җинаятьләрне ачу узган елгыдан яхшырак: 10 айда 84 процент тәшкил итә. Әле бу штатлар кыскара торып...

- Аерым җинаять эш­ләрен искә алып үт­мәс­сезме?

- Бу очракта авыр җи­на­ять эшләрен телгә алу урынлы булыр. Әй­тик, Шимбердәге, Таш­чишмәдәге авыр җи­на­ять­ләр, Яңа Әтнә һәм Көектәге кеше кыйнау, район үзәгендә яшьләр арасындагы конфликт очраклары әнә шундыйлар.

- "Биектау" бүлегенең ярдәме ни дәрәҗәдә?

- Безнең бүлекчәдә кайбер штатлар юк: мәсәлән, эксперт, кинолог штатлары. Аларга мохтаҗлык туса, "Биектау" бүлегенә хәбәр итәбез. Авыр җи­наять эшләре вакы­тында да "Биектау"дан махсус тикшерү төркеме килә. Район хакимияте дә һәр­вакыт ярдәм ку­лы суза. Башкарма комитетның төрле комиссияләре бе­лән берлектә эшлибез.

- Җитәкчелек белән тыгыз элемтәдә булуыгыз куанычлы хәл...

- ...Халык белән дә еш очрашабыз, һәр квартал саен участок инспекторлары халык алдында хисап тота.

- Белүебезчә, сезнең штат шактыйга кимеде.

- Бү­лекчәдә 26 кеше эшли. Шуңа карамастан, нә­тиҗәлелек үсә бара. Аеруча өлкән участок инспекторлары, полиция майорлары Рүзәл Корбанов (автор фотосында) һәм Фә­нис Низамиевне мактап телгә алыр идем. Беренчесе - үзәк участок инспекторы, быел участок инспекторлары арасында иң күп җинаять эшләрен ул ачты. Ике хезмәткәребез - Роберт Гомәров һәм Ренат Сәфәргалиев 6 ай Чечен Республикасында хезмәт итеп кайттылар. Исән-сау әйләнеп кайтулары икеләтә шатлык.

- Участок инс­пек­тор­ларының вазифалары катлауланды бугай?

- Иң авыры - алар җилкәсендә. Алар "дознаватель" дә, ЮХИДИ һәм экология хезмәткәре дә. 6 участок инспекторыбыз бар - югарыда телгә алганнардан тыш, Ирек Бәйрәмов, Марат Әмиров, Илнур Юсупов, Илнар Закиров та тырыш хезмәткәрләр. 17 ноябрьдә аларның һөнәри бәйрәмнәре.

- Башка хезмәтләр эшен ничек бәялисез?

- Бар да яхшы эшли, уртак тырышлык нәтиҗәсе саннарда чагыла. Аерым алсак, "дознаватель" Айсылу Нигъмәтҗанова, тик­шерүче Фәнис Әскаров үз эшләрен белеп, юга­ры сыйфатлы итеп баш­каралар. Материалларны судка җибәргәндә бу бик мөһим. Административ практика инспекторы Эльвира Әмирова да төгәллеге белән аерылып тора. Штат расписаниесе үзгәрү нәтиҗәсендә, тагын бер ЮХИДИ хез­мәткәре өстәлде. Аларны да мактап телгә алырга телим. Руль артындагы исерекне генә тоткарламыйлар, әйтик, күптән түгел җинаять буенча хәбәр килгәнче үк, җи­наятьчене тоткарлап алып килгәннәр иде.

- Рәхмәт Сезгә, бү­лек­чә эш­чәнлеге буенча гел уңай хәбәрләр ишетергә язсын.

- Монысы халкыбызның юридик яктан белемле булуы, тәртип төшенчәсен дөрес аңлавына бәйле. Бу яктан проблемалар туса, 2-15-75 телефон номеры буенча кизү торучылар бүлегенә хәбәр итүегезне сорыйбыз. Монда да яхшы әзерлекле, тиз арада тиешле нәтиҗәләр ясарга сәләтле хезмәткәрләр - Хәлил Шәмсетдинов, Марат Сәгыйтов, Динар Гарипов һәм аларның ярдәмчеләре эшли.