“Парклар маршы” башланды

Бу акция безнең район халкы өчен яңалык түгел, чөнки халыкара үткәрелгән әлеге акциягә елның-елында катнашабыз. Быел бу акция 27 марттан башлап 21 апрельгә кадәрге аралыкта уза. Девизы - "Россия­нең тыюлыклар системасына - 100 ел". "Елдагыча акциядә катнашырга чакырабыз. Мәктәп укучылары үзебезнең җирлектә урнашкан сакланышларыбызга багышлап язган шигырьләре, хикәяләре, рәсемнәре, фоторәсемнәре белән катнаша алалар. Соңыннан бергәләп йомгак ясап, укучыларны мәктәпкә барып бүләкләячәкбез", - дип ачыклык кертте "Ашыт" сак­ланышы җитәкчесе Рамил Сабиров.