Владимир Путин KazanSummit форумында катнашучыларны сәламләгән

(Казан, 10 май, «Татар-информ»). Татарстан Президенты Рөстәм Миңнеханов «Россия – Ислам дөньясы: KazanSummit» X Халыкара икътисади саммитының пленар утырышында Россия Президенты Владимир Путинның котлау телеграммасын укыды.

«Россия – Ислам дөньясы: KazanSummit» X Халыкара икътисади саммиты ачылу уңаеннан сезне ихлас күңелдән котлыйм. Сезнең очрашуның көн тәртибенә халыкара хезмәттәшлек, сәүдә, инфраструктура һ.б. өлкәләргә кагылышлы мәсьәләләр кертелгән. Форумда катнашучылар алдында икътисади һәм фәнни-технологик оешмаларның төрле аспектлары, хәерчелек белән көрәшүнең юллары хакында фикер алышу бурычы тора», - дип искәрткән РФ Президенты.

Путин билгеләп үткәнчә, Россия саммитта катнашучы илләрнең халыкара икътисади мөнәсәбәтләрдә гаделлек, тигезлек һәм ике якка да файда китерү принципларын ныгытырга тырышуын хуплый. Моннан тыш, ил башлыгы Россия һәм ислам илләре арасында партнерлык мөнәсәбәтләрен үстерүнең әһәмиятле булуын әйткән.

Чыганак:http://www.tatar-inform.ru/news/2018/05/10/610752/