Россиядә пенсия салым чигерүе кертергә тәкъдим иттеләр

(Казан, 24 июль, «Татар-информ»). Үзеннән-үзе көйләнә торган пенсия оешмалары, гражданнарның өстәмә пенсиягә мөстәкыйль рәвештә акча туплау стимулы барлыкка килсен өчен, Россия Банкына салым чигерүе кертергә тәкъдим итте. Бу хакта «Известия» газетасы яза.

«Хәзерге вакытта социаль салым чигерүе елына 120 мең сум (15,6 мең сум) күләмендә тәкъдим ителә. Шул ук вакытта, ул дүрт компоненттан (медицина, белем бирү, тормышны иминиятләштерү һәм пенсия белән тәэмин итү) гыйбарәт. Салым чигерүенең күләме инде ун елдан артык индексацияләнмәде», - дип искәртә басма мөрәҗәгатьтә тәкъдим ителгән мәгълүматларга сылтама белән.

Салым чигерүенең лимиты 400 мең сум тәшкил итәргә тиеш. Шуның хисабына гражданнар үзләренең ирекле взносларыннан 52 мең сумга кадәр акча кайтара ала. Икенче вариант сыйфатында хезмәт хакының 6 проценты күләмендәге лимит карала.

Үзеннән-үзе көйләнә торган пенсия оешмаларының тәкъдименә Үзәк Банк әлеге идеяне гамәлгә ашыруның потенциаль нәтиҗәсен бәяләргә кирәк, дип җавап бирде.

«Татар-информ» агентлыгы быелның августыннан Россиядә эшләүче пенсионерларга түләүләр артачагы хакында хәбәр иткән иде инде.

Чыганак: https://tatar-inform.tatar/news/business/24-07-2020/rossiyad-pensiya-salym-chiger-e-kerterg-t-k-dim-ittel-r-5758858