Синоптиклар бу атнада һава температурасының 10 градустан да югары булачагын фаразлый

(Казан, 3 апрель, «Татар-информ»). Синоптиклар бу атнада һава температурасының сизелерлек югары күтәреләчәген җиткерә. Җылыту дәвам итә, ул кайдадыр яңгырлар, кайдадыр буран белән бергә бара, дип җиткерә "Российская газета" Россия Гидрометеорология һәм әйләнә-тирә мохитне күзәтү идарәсенә сылтама белән.

Россия үзәгендә атна башында яңгырлар көтелә һәм төнлә салкын була. Атнаның кенче яртысында температура төнлә дә уңай булачак. Көндез 8-13 градустагы җылылык фаразлана. Әйтик, Мәскәүдә дүшәмбе яңгырлы булачак. Төнлә +5, көндез +10 градус җылылык күзәтелә. Сишәмбедә көндез +9 градус, төнлә -2 градус салкынлык фаразлана. Чәршәмбе көнне явым-төшем туктый, температура күтәреләчәк: көндез ул +12 градуска кадәр җитәчәк.

Идел буе төбәкләрендә дә температура күтәрелә. Атна башында урта зонада 1-6 градус җылы булачак. Төньяк өлештә көндез +7 градуска кадәр җылытачак. Киров өлкәсендә генә бераз салкынрак - җылылык көндез 3 градус кына булачак. Биредә шулай ук яңгыр һәм юеш кар, кискен үзгәрүчән җил булачагы фараз кылына.