Суфия ханым тагын җиңүче

«ТАТМЕДИА» акционерлык җәмгыяте газета-журналларга язылучылар арасында оештырган "Языл һәм телевизор от" чираттагы бәйгегә нәтиҗә ясады.
Әлеге бәйгене уздыру «ТАТМЕДИА» акционерлык җәмгыяте тарафыннан күркәм традиция­гә әверелде. Елдан-ел катнашучылар саны да артканнан-арта бара. Бу юлы 10 савыт-саба җыелмасы, өч фотоаппарат һәм истәлекле бүләкләр уйнатылды. Ә төп бүләк - телевизорга Арчадан Фирдания Мифтахетдинова лаек булды.
Шунысы сөенечле, рай­оныбызда яшәүче­ләр­нең дә әлеге бәйгедә катнашып, бүләк отулары турында ел саен Казаннан шатлыклы хә­бәр алабыз. Бу юлы да якташыбыз Суфия Га­лиеваны истәлекле бүләкләр тапшырылучылар арасында күргәч, чын күңелдән сөендек. 8 Март бәйрәме алдыннан Күңгәр урта мәктәбенә барып, бүләкне тапшырып та кайттык. Шунысын әйтергә кирәк, әлеге бәйгедә районыбыздан газета укучыларыбыз бик актив катнаша. Ел са­ен райондашларыбыз­ны җиңүчеләр арасында күрү, куанычлы хәл. Димәк, бездә халык газета-журналларны яратып укый.
Җиңүчебез Суфия Галиева да:
- Өйгә барысы 12 данә газета-журнал килә. Мин аларның кайберләрен укып та өлгерә алмыйм. Әт­кәй белән тормыш ип­тәшем укып, менә бу җирне укып чык әле, синең өчен файдалы мәгълүмат бар, дип сызгалап та куялар хәтта, - ди ул елмаеп.
- Ә район газетасын яратып укыйбыз. Го­му­мән, китап, газета-журнал укучы кеше әхлаклы, тәртипле була. Беркай­чанда башка кеше турында начар фикердә булмый, - диде ул.
Исегезгә төшереп, шу­ны әйтәсебез килә: бү­генге көндә "Әтнә та­ңы" газетасына алдан язы­лу бара. Бәяләрнең 1 ап­рельдән артуы көтелә. Шу­ңа күрә дә алдан язылу барышында "Әтнә таңы" га­зетасына язылып калырга ашыгыгыз. Үзегез дә игътибар итәсездер. Подписканы бер сан белән тәмамласак, безнең газетаның тиражы ай саен акрынлап арта бара. Димәк, язылмый калучылар, кабат безгә килеп кушылалар дигән сүз бу. Шуңа күрә дә, вакытында язылып калыгыз. Һәрвакыттагыча бергә калыйк, хөрмәтле газета укучыларыбыз.