Татарстан туристлары өчен "император маршруты" 2021 елда эшли башлаячак
Елисаветин-Сергиев укуларында республикага «Император маршруты»бренд билгесен кулланырга мөмкинлек бирүче килешү төзеләчәк.
Татарстан туристлары "Император маршрутын " 2021 елда ук бәяли алачак. Бу хакта «Татар-информ» мәгълүмат агентлыгы корреспондентына туризм буенча ТР Дәүләт комитеты рәисе Сергей Иванов сөйләде.
"Бу-туристлар Романовлар йорты безнең илгә калдырган мирас белән танышсын өчен көчле идея. Мондый маршрут булу кунакларга тагын бер кат Татарстанга икенче яктан килергә һәм карарга мөмкинлек бирәчәк. Киләсе елдан без аны алга этәрә башлаячакбыз. Һәм 2021 елда туризм агымы булыр дип өметләнәбез", - дип билгеләп үтте Иванов.
Бу көннәрдә Казанда уза торган Елисаветин-Сергиев укуларында Татарстанга «Император маршруты» бренд билгесен кулланырга мөмкинлек бирүче лицензияле килешү төзү планлаштырыла, дип аңлатты «Елисаветино-Сергиевское агарту җәмгыяте» фондының Күзәтчелек советы рәисе Анна Громова.
"Туроператорлар бу юнәлеш белән эшли ала инде. Тарихчылар буларак безнең бурыч – аны тарихи дөреслекне тулысынча туры килә торган тирән тарихи эчтәлек белән тулыландыру", - дип өстәде Громова.
"Елисаветино-Сергиевское агарту җәмгыяте" фонды РФ Мәдәният министрлыгы һәм Ростуризм ярдәме белән Россиянең 19 төбәгендә тормышка ашырыла.
Элегрәк «Татар-информ» мәгълүмат агентлыгы хәбәр иткәнчә, «Император маршруты» на Казан Изге Ана иконасы соборын, Казан Кремлен һәм башка һәйкәлләрне кертү планлаштырылган булган.
Следите за самым важным и интересным в Telegram-каналеТатмедиа
Нет комментариев