Татарстанда гаилә мәсьәләләре буенча консультация бирүче махсус хезмәт оештырылган

(Казан, 11 декабрь, "Татар-информ"). Татарстан Министрлар Кабинетының Гражданлык актларын теркәү идарәсендә кризис хәлендә булып, аерылышу дәрәҗәсенә җиткән гаилә парлары өчен консультация бирүче махсус хезмәт оештырылган.

Махсус хезмәтнең максаты - аерылышуларны киметү, гаилә һәм никах институтын ныгыту, профилактика мәсьәләләре.

Консультацияләр һәр көнне һәм тәүлек буе үткәрелә. Бирегә (843) 293-24-68 телефоны аша мөрәҗәгать итәргә кирәк, дип җиткерә Татарстанда бала хокуклары буенча вәкаләтле матбугат хезмәте.

Чыганак: http://tatar-inform.tatar/news/2017/12/11/154069/