Татарстанга бирәләр - “Әтнә таңы”

Республиканың авыл территорияләре үсеше өчен дип 343 миллион сум субсидия бүленде. Хөкүмәт күрсәтмәсендә шул хакта хәбәр ителә.

Бу максатларда барлык төбәкләргә 7,2 миллиард сум бүленгән, безгә 343 миллионы тәтегән. Татарстандагы гражданнарның торак шартларын яхшыртуга, шул исәптән яшь гаилә һәм яшь белгечләргә 256 миллион сум, торак пунктларда социаль һәм инженер инфраструктура объектларын комплекслы итеп коруга 87 миллион сум һәм гражданнарның җирле инициативаларын яклауга 490 мең сум каралган.

Субсидияләр куллану эффекты Россия авыл хуҗалыгы министрлыгы тарафыннан ел саен бәяләнә.