Тимәскә, кагылмаска, өзмәскә

"Ашыт" сакланышындагы аккошларыбыз бәбкәләр чыгарганнар. Очрасалар сокланып, сөбханалла, дип карап үтегез. Кичләрен сакланыш инспекторларын күрсәгез дә аптырамагыз, алар рейдлар ясарга чыгалар. "Еш булырга тырышабыз Ашыт елгасы буенда, табигатьне, кешеләрне күзәтәбез, аккошларның оялары эчтә, кереп куркытмавыгыз­ны сорыйбыз, тәртип бозучыларга чара күрү өчен протоколлар язабыз. "Уылдык" операциясе барганын хәбәр итеп кисәткән идек, тик барыбер тәртип бозучылар бар. Сакланыш территориясенә машина белән керүчеләргә, "блесна" белән балык тотучыларга 6 протокол төзедек", - ди "Ашыт" сакланышы җитәкчесе Рамил Сабиров.