Тизлек турында онытмыйк

Язның беренче ае башланып китте. Эчке эшләр бүлегенең ЮХИДИ бүлекчәсеннән алынган мәгълүматларга караганда, узган атна барышында юл кагыйдәләрен бозуның 45 очрагы теркәлгән. Алар арасында икесе - балаларны махсус утыргычсыз йөртү, берәр - машинасы техник яктан төзек булмау һәм җәяүлегә юл бирмәү сәбапле, өчесе - номеры укылмау , унысы - куркынычсызлык каешын тагып йөрмәү, икешәр - документын онытып калдыру һәм юл билгесе күрсәткәнне үтәмәү белән бәйле. 19 кеше штрафын вакытында түләмәгән өчен җаваплылыкка тартылган. 3 вак юл һәлакәте теркәлгән. ЮХИДИ бүлекчәсе җитәкчесе Рифат Нурмехәмәтов машина йөртүчеләргә мөрәҗәгать итеп, иртә- кич юлларда бозлавык булу сәбапле, тиешле тизлек турында онытмаска чакыра. Шулай ук җәяүлеләргә дә киемдә яктылык кайтаргыч булу кирәклеген кабат искәртә.