Әтнә авылларының зират әйләнәләре яңара

Беренчесен авыл халкы һәм мәчет ярдәмендә тимер баганалар утыртып, сетка-рабица белән әйләндерәләр. Шактый зур мәйдан биләгән зиратның яртысыннан артыгына яшел сетка тарттырылды инде. Бәрәскәдә ул химаяче ярдәмендә башкарыла. Авыл җирлеге җитәкчесе Сәид Әхмәдуллин әйтүенчә, бу изге эшкә җирле хуҗалык җитәкчесе Илгиз Хәйруллин ихлас ярдәм иткән. Күрше Бәрәзәдәге кебек үк зиратның яшел төстәге тимер рәшәткәләре ерактан балкып тора.