Әтнә мәдәният йортлары яңа бәйге игълан итте

Үзәктә дә, авылларда да бәйрәм рухы сизелә. Күп гаиләләр капка алларына сыннар ясый башладылар. Сәбәп тә бар, мәдәният хезмәткәрләре сыннарга бәйгеләр игълан итте. Күлле Киме мәдәният хезмәткәрләре "Иң матуры безнеке", Яңа Әтнә мәдәният йорты "Иң матур капка төбе" дип исем биргән, бәйгеләрнең максаты бер, исемнәре генә үзгә. Капка алларында күбесенчә Кыш бабай сыннары ясала, "Кәҗә белән сарык" та очрый.... Мәдәният йортлары аллары аеруча матур, чыршылар бизәлгән, гирляндалар куелган, кичләрен аларны кабызгач, аеруча матур. Башка оешмаларныкы да мәдәниятнекеннән калышмый...

Кайда ничек, анысын сез хәбәр итегез. Әйдәгез, иң матурларын фотога төшереп, газетабызның ачык группаларына, сайтка куйыйк! Барыбыз да күрик! Нәтиҗә ясаганда бергәләп тавыш бирә алырбыз.