Әтнә районы башлыгы Кубогына хоккей бәйгесе узды

Олимпия системасына нигезләнгән бәйгедә Әтнә, Күәм, Шашы һәм Бәрәскә командалары көч сынашты. Киеренке уеннардан соң финал өлешенә Күәм һәм Шашы командалары чыкты. Финалда шашылар 3:1 исәбенә җиңү яуладылар.

Күәмнән Булат Абдул улы Зарипов өчен бу көн аеруча истәлекле булды: аңа Татарстан Республикасының Министрлар Кабинеты исеменнән мактау кәгазе бирделәр. Мактау кәгазен хөкүмәт вәкиле Алмаз Рәшит улы Хәбибуллин тапшырды. Аерым алганда анда: "... Спортны үстерүгә керткән зур өлешегезне искә алып", дигән сүзләр бар. Күптән лаек иде ул моңа, ихлас котлыйбыз!