Әтнә районы Иске Җогып авылы ветераны 90 яшен билгеләп үтте

"Газап белән барган шикелле, шулай да бик тиз уза бит бу гомер", - ди Габделхәй абый үзен котларга килгәч. Сөбханалла, әле дә егетләр кебек төз ул. Хәтере әйбәт. "зо ел буе бухгалтер, 1978 елдан 1993 елга кадәр запчастьлар складында эшләдем. 1993 елда 69 яшемдә сәламәтлегем какшагач, эштән туктадым", - диде ул.

Дөрестән дә, искә алган елларны аен көнен әйтеп сөйләшә. "Гел хәрәкәттә ул. Әле дә лапаска чыгып, себергәләп керә. Тавыклар оясын чистарта", - диде аның хакында улы Әхмәт.

Бәхетле әти Габделхәй абый. Тормыш иптәше белән өч егет, бер кыз тәрбияләп үстергәннәр. Кызганычка каршы, хатынының бакый дөньяга күчкәнгә дә 10 ел була икән. "Улым белән киленем тәрбиясендә гомер кичерәм. Оныкларым да бик күп", - ди Габделхәй абый.

Тулырак язма "Әтнә таңы" газетасыннан укыгыз.