Әтнә сабые дәүәтисен хөрмәтли

Бәхетле бала.

Эштән кайткач әтием,

Мине кочаклап алганда,

"Бәхетле бала син,"- диеп,

Дәү әтием елмая.

Урамда уйнап көн буе,

Өйгә арып кайтканда,

Сокланып та, куанып та

Ул һәрвакыт елмая.

Серен аның хәзер аңлыйм:

Дәү әти ятим үскән.

Аңа өч яшьлек вакытта

Әтисе яуга киткән.

Тик берничә хаты килгән

Ышандырып Җиңүгә.

Сталинград өчен сугышта

Күзен йомган мәңгегә...

Җиңү көне җиткән саен,

Килә горур атлыйсы:

Мин бит батыр бер солдатның

Лаеклы дәвамчысы.

Инсаф Фатыйхов.

Бәрәскә урта мәктәбенең 6 нчы сыйныф укучысы