Әтнә сөте бик тәмле

Әтнә сөте бик тәмле Башкалабыз Казанда узган көзге ярминкәләр барышында әйтелгән сүзләр бу. Атна саен дәвам иткән ярминкәләрдә авыл хуҗалыгы продукцияләре сатыла. Әлеге ярминкәләр дә районыбызның күмәк хуҗалыклары, авыл җирлекләре һәм авыл халкы бик теләп катнашалар. - Сөтне иң беренчеләрдән булып алып бетерәләр. Литрын 23 сумннан сатабыз , - диде район башкарма комитеты җитәкчесе урынбасары Наил Сибагатов. Күмәк хуҗалыклар сөт, ашлык, авыл җирлекләре авыл халкыннан җыелган яшелчәләрне, кош-корт итләре, бәйләнгән носки, бияләйләр дә саталар. Башкала халкы да ярминкәләргә яратып йөри. Кышка кирәкле яшелчәләрне туплап калу өчен менә дигән мөмкинлек инде бу.