“ Әтнә таңы“ - ике айлык сабыен сугып үтергән

Яңа Чишмә районында бер ана үзенең ике айлык баласын үтергән. Февраль ахырында булган әлеге фаҗиганың сәбәбе һаман да шул эчүчелек. Эфир 24 телеканалы хәбәр иткәнчә, ана исерек килеш кызының башына суккан. Ни өчен дисезме? Сабый йокламаган өчен. Әйтерсең әле ул берәр нәрсә аңлый. Алынган баш җәрәхәтләреннән сабый шунда ук җан биргән. Баланың атасы, хатынның никахсыз ире бу вакытта эштә булган. Бала үтерүче үзе Чувашиядән килгән, ире белән әле Яңа ел бәйрәмнәреннән соң гына яши башлаган булган.