Әтнә Волгоград өлкә­сеннән ике тапкыр күбрәк сөт сата - республика газетасы безнең хакта

...Сөт бәясе төшүнең читтән күпләп сөт продукциясе ке­рүе белән аңлаттылар. Ә үзе­бездә җитәрлек була торып, нигә читтән кертергә?! Мәсә­лән, Әтнә районы үзе генә дә тәү­легенә Волгоград өлкә­сеннән ике тапкыр күбрәк сөт сата. Ни өчен боларны язам? Ди­мәк, үзебездә җи­теште­рел­гәнне базарга чыгару системасы да эшләнмәгән әле без­дә.

Кайсы ил үзенә зыянга сәүдә итә икән? Мин икътисад өлкәсендә белгеч түгел, әмма җитештерү, эшкәртү, сату өлкәсендә камиллектән шактый ерак торуыбызны сизәм. Нигә, ни өчен, дигән сораулар куям һәм анык кына җавап бирә алмыйм. Әллә үз-үзе­безне хөрмәт итмибезме? "Нефть энәсе"н­нән төшү турында инде, арт­тырыбрак әйткәндә, мин туганнан бирле сөйлиләр. Галәмгә беренче булып очкан ил нигә дөнья базарына көндәш­леккә сә­ләтле тауар чыгара алмый?

Сүз дә юк, җәмгыять үз­гәргәч, җитештерү бөтен­ләй тукталды кебек, хәзер капитализм чалымлы ниндидер җәм­­гыять төзергә омтылабыз. Эре бизнес, кече һәм ур­та эшмәкәрлек әкрен-әкрен булса да аякка басып "кеше кыяфәтенә" керә башлады.

Бер яктан, Татарстан җи­тәкчелеге эш кешеләре өчен өстәмә шартлар тудырырга омтыла. Салым сәя­сәте дә камилләшә. Мәсәлән, моннан биш ел элек Татарстанда са­лым­ның патент системасын кертү турында закон кабул иттек һәм, әйтү­ләренчә, 2017 елда бу системаны кулланучы эшмәкәр­ләр саны 2016 ел белән чагыштырганда 40 процентка арткан.

Узган ел гадиләштерелгән салым системасында процент ставкасын азайтуны 2019 елга хәтле озайттылар. Гомуми став­ка 10 процент дип билге­ләнде, аерым тармакларга, мәсәлән, эшкәртү, электр энер­­гиясен эшләп чыгару һәм бүлү, газ, су, төзелеш бе­лән бәйле булганнарына 5 процентка хәтле төшерелде. Быел эшмәкәрләр өчен Бер­дәм кредит үзәге проекты тормышка ашырыла башлады.

Чыгыш ясаучылар югары технологияләргә нигезләнеп эшләүче кече һәм урта эшмә­кәрлек компанияләренә дәү­ләт ярдәме артуы, шуның нә­тиҗәсендә безнең илдә үрнәк төбәккә әверелүебез турында да сөйләделәр. Әм­ма сүз башында ук әйт­кәнчә, эш тә бара, хәл итәсе мәсь­әлә­ләр дә чыга тора.
Җыеп кына әйткәндә, Дәү­советта узган парламент тың­лауларында әйтелгән фи­кер­ләр, тәкъдимнәр, тән­кыйть сүзләре өйрәнелеп хө­кү­мәткә юлланачак. Ә без, "хөкүмәт агай" нәрсә әйтер бит дип, язманы төгәлләп торыйк.

Утырыш ахырында комитет рәисе М.Галиев эш­мә­кәр­лекнең административ басым астында ыңгы­рашуын әйтеп куйган иде. Дөрес, Тукай язганча "... , бу җиһанда үл­ми һәр­бер ың­гы­рашкан...", әмма эшлим дигән кешене ың­гы­рашыр­га мәҗбүр итмә­сәк тагын да шәп булыр иде.

Риман Гыйлемханов

("Ватаным Татарстан", /№ 45, 31.03.2018/)

Тулысы белән: http://vatantat.ru/index.php?pg=634