Әтнәдә 23 кешегә протокол төзелгән

28 000 сум штраф түләнелгән Федераль миграция хезмәтенең паспорт алу , алыштыру һәм пропискага керү, төшү кагыйдәләрен бозган өчен 23 кешегә протокол төзелеп, әнә шуның кадәр суммада штраф түләнелгән. Ел башыннан бүгенге көнгә кадәр әлеге хезмәт тарафыннан 142 кешегә паспорт бирелгән, шуның 23е - 14 яшьлек үсмерләр. 111 кеше пропискага кергән, шуның 38е - яңа туган балалар; 138 кеше пропискадан төшкән, 52се - вафат булучылар, 22 кеше вакытлыча пропискага кергән. "Халыкны кабул итү графигы үзгәрде", - ди әлеге хезмәтнең Әтнә бүлеге җитәкчесе Лира Фәгъмиева.