Әтнәдә 37 кыз, 37 малай туган

ЗАГС бүлегеннән алынган мәгълүматларга караганда, октябрь аенда районда барысы 6 бала туган. Аларның өчесе - кыз, өчесе - малай. Гаиләдә икесе - беренче бала булып, берсе - икенче бала булып, өчесе - өченче бала булып дөньяга килгән. Шул ук вакытта 14 үлем очрагы теркәлгән. 5 пар язылышкан, 1 пар аерылышкан.Агымдагы ел башыннан 74 бала туган, аларның 37се - малай, 37се кыз. 170 райондашыбыз якты дөнья белән хушлашкан. 48 пар язылышкан, 15 пар аерылышкан. Узган елның октябрь аенда исә бары 3 бала туган, 10 пар язылышкан, 1 пар аерылышкан булган. Үлем очраклары - 11 . 2015 елның шушы вакытына 72 бала туган, 196 кеше үлгән. Язылышучылар - 66, аерылышучылар - 14 булган.