«Ашыт» сакланышы инспекторлары Рамил Сабиров, Рәшит Әхмәтҗанов һәм Гөлнара Абдрахманова ел буе барган конкурс нигезендә безнең мәктәп укучыларын бүләкләделәр. Хәер, "Ашыт" Әтнәдә еш кунак. Районның төрле мәктәпләреннән килгән 41 укучыны, хәтта тулы бер сыйныфны билгеләп үтте алар. Укучыларны бүләкләүдә "Ленин", "Тукай", "Дусым" һәм "Күңгәр" хуҗалыкларының да өлеше зур булды.

Соңыннан балалар барысы бергә оештыручыларга:

- Рәхмәт, - диделәр. Үз чиратында инспекторлар:

- Конкурста актив катнашканыгыз өчен үзегезгә рәхмәт, - дип елмайдылар...

Бу хакта киләсе мәкаләләрдә укырсыз, фотоларын да шунда бирәбез.