Әтнәдә "Авыл көннәре" гөрли

Мәдәният бүлеге хезмәткәрләре үткәргән "Авыл көннәре" бәйгесе дәвам итә. Әлеге бәйге кысаларында Бәрәзә, Бәрәскә, Түбән Көек, Яңа Әтнә, Кече Әтнә, Югары Көек, Дусым, Каенсар үзешчәннәре чыгыш ясады инде. Якшәмбе көнне Олы Мәңгәр, Бәхтияр, Иске Мәңгәр җырчы- биючеләре Олы Мәңгәр тамашачысына үзләренең матур концерт программасын тәкъдим иттеләр. "Бик матур булды, аеруча Олы Мәңгәрләрнең чыгышы бик ошады. Сәхнәгә ветераннарның да чыгуы ямь өстенә ямь бирде", - тамашачыларның фикере әнә шундый.