Әтнәдә балалар да терроризмның ни икәнен белә

Бүген Кышлау авылында мәктәп укучылары белән берлектә, хәзерге җәмгыять өчен афәткә әйләнгән терроризм һәм экстремизмга каршы ничек көрәшү кирәклеге хакында әңгәмә үткәрделәр. Оештыручы - мәдәният йорты җитәкчесе Зөлфия Шакирова Кышлау башлангыч белем бирү мәктәбендә укучы балаларның сорауларына җавап бирде.

29 сентябрь көнне Күәм мәдәният йортында терроризм һәм экстремизмга каршы ничек көрәшү турында кыска вакытлы укуларда булган иде районыбызның мәдәният хезмәткәрләре. Менә нәтиҗәсе дә күренә башлады. Мәктәптән башлаулары да мактауга лаек, чөнки яшьтән өйрәнгән онытылмый ул.