Әтнәдә: “Экваторны узып ятабыз”

20 августка Татарстан буенча барлык мәйданнарның 57 процентында игеннәр суктырылып, җыеп алынды. Ә бит узган елны бу көнгә 73 процент мәйданнарда урып-җыелган. Республика буенча уртача чыгыш 22,3 центнер/гектар тәшкил итә.

Республиканың төньяк районы һәм иген үстерү өчен бик уңай саналмаган төбәгендә яшәсәк тә, Әтнә районында да һәр гектардан уртача 22,8 центнер уңыш алабыз. Моны яхшы күрсәткеч дияргә кирәк. Безнең хуҗалыклар да игенне тиешле мәйданнарның яртысыннан артыгында суктырып алдылар. Шөкер, "экваторны узып ятабыз".